Námsgreinar og viðfangsefni

Markmið eru að nemendur:

• skyggnist inn í það framandi mannlíf og verkefni sem blasa við hjálparstarfsfólki á vettvangi
• geri sér grein fyrir helstu vandamálum þriðja heimsins og hvaða úrræði eru til staðar
• þjálfist í að afla upplýsinga um ástand fátækra landa og greina hvar mest er þörf á að hefja hjálparstarf
• geri sér grein fyrir hugsunarhætti, siðum og normum til að brjóta ekki viðteknar venjur né særa eða móðga innfædda þegar á vettvang er komið

Viðfangsefni:

• Mannfræði
• Lönd í Afríku og Asíu sem ABC starfar í
• Hópverkefnið: Ástandsgreining
• Úrræði og hagnýt hjálp
• Frásagnir fólks er kemur í heimsókn sem hefur búið og unnið við hjálparstörf erlendis

Markmið eru að nemendur efli samskiptahæfni sína með því að:

• skilja ólíkar manngerðir
• skilja sjálfan sig betur
• skilja aðra betur
• auka aðlögunarhæfni sína

Viðfangsefni: Námskeiðið Efling samskipta

Markmið eru að nemendur:

• læri að setja sér skýr markmið og ná árangri í starfi
• verði hæfari til að standa fyrir fjáröflun til hjálparstarfs

Viðfangsefni: Kynningar- og sölunámskeiðið Með bros á vör

Markmið eru að nemendur:

• kynnist þeirri kenningu um að allir einstaklingar búi yfir fjölgreindum og þar af leiðandi læra þeir og þroskast með mismunandi hætti
• skilji mikilvægi fjölbreyttra uppeldis- og kennsluhátta
• fái góð ráð og tækni til að ná árangri í starfi fyrir ABC

Viðfangsefni:

• Hinn góði kennari
• Fjölgreindarkenning H. Gardners
• Hugarkort

Markmið eru að nemendur:

• kunni skil á helstu þáttum til varðveislu heilsu og lífs
• þekki grunnatriði skyndihjálpar og verði betur undir það búnir að veita hjálp í viðlögum
• geti miðlað þekkingu sem stuðlar að bættri heilsu

Viðfangsefni:

• Heilbrigðisfræði á einangruðum stöðum þar sem samfélög búa við frumstæðar aðstæður. Stuðst er við bókina Where there is no doctor, eftir David Werner.
• Grunnatriði í skyndihjálp.

Markmið eru að nemendur:

• þekki fæðuhringinn
• fái grunnþekkingu í næringarfræði og þekki undirstöður hollrar fæðu
• geti leiðbeint og upplýst skjólstæðinga sína um heilbrigt fæðuval
• kunni að bregðast við vannæringu barna
• fræðist um helstu sjúkdóma þriðja heimsins
• öðlist kunnáttu til að verjast og bregðast við þeim sjúkdómum

Viðfangsefni:

• Nauðsynleg næringarefni fyrir heilbrigðan líkama
• Næringarskortur og afleiðingar hans
• Helstu fæðutegundir þriðja heimsins
• Helstu sjúkdómar þriðja heimsins
• Vannæring og iðraormar
• Sjúkdómavarnir og önnur ráð

Markmið eru að nemendur:

• þekki atriði sem skipta máli hvað varðar andlegt og líkamlegt heilbrigði barna
• geri sér grein fyrir hugsanlegu sálartjóni sem börn hafa orðið fyrir, s.s. vegna ofbeldis, misnotkunar, eineltis, vanrækslu og illrar meðferðar
• átti sig á hugsanlegri hegðun barna sem hafa fengið illa meðferð og læri að koma fram við þau á viðeigandi hátt

Viðfangsefni:

• Þroskasálfræði
• Áfallasálfræði
• Barnasálgæsla
• Barnaumönnun
• Málþroski barna

Markmið eru að nemendur:

• kynnist hugsjón og sögu ABC
• fái innsýn í starfið
• verði hæfir erindrekar ABC

Viðfangsefni:

• Hugsjón, saga og verkefni ABC barnahjálpar
• Frásagnir og heimildir fólks sem hefur farið og kynnt sér starf ABC á vettvangi

Markmið eru að nemendur:

• fái aukinn skilning á þeim gildumsem drífur hugsjón og starf ABC barnahjálpar
• fái innsýn í grunn ABC – þ.e. ást Guðs til barna og geri sér betur grein fyrir hvernig Guð getur verið hinn fullkomni faðir fyrir munaðarlaus börn
• kynnist boðskap Jesú Krists er snýr að umhyggju og gæsku til náungans - smbr. sagan um miskunnsama Samverjann
• læri að þekkja ritningarvers sem ABC barnahjálp byggir á

Viðfangsefni:

• föðurhjarta Guðs
• líf, starf og boðskapur Jesú Krists um bróðurkærleika
• perlur Biblíunnar sem eru mikilvægar fyrir starf ABC

Markmið eru að nemendur:

• kynnist einstaklingum sem hafa markað spor í hjálparstarfi fyrr og síðar
• komi auga á úthald þeirra og skilyrðislausa umhyggju fyrir öðrum
• greini þætti sem nauðsynlegir eru til að hjálparstarf verði árangursríkt
• glími við spurninguna: Hvers vegna að hjálpa?

Viðfangsefni:

• Nokkrar heimsþekktar persónur sem hafa skarað fram úr í hjálparstarfi, áður fyrr og á okkar dögum
• Kynning samtaka og félaga sem vinna að því að hjálpa og bæta lífskjör fólks
• Kristið siðgæði

Markmið eru að nemendur:

• fái þekkingu á nauðsynlegum undirbúningi fyrir vettvangsferð og ferðir til framandi landa
• verði meðvitaðir um mikilvæg öryggisatriði til að forðast háska á vettvangi
• virði og tileinki sér verklags- og siðareglur ABC á vettvangi

Viðfangsefni:

• Ferða- og kostnaðaráætlun
• Bólusetningar og tryggingar
• Vegabréfsáritanir
• Farseðlar og gjaldeyrir
• Öryggismál og varnir - sjúkdómar, sól og hiti, skordýr, spilling, glæpir o.s.frv.
• Samskiptamál
• Hugarfar og viðhorf

Markmið eru að nemendur fái:

• innsýn í verklega þætti sem geta komið að gagni við uppbyggingu og rekstur hjálparstarfs
• hugmyndir og þekkingu sem hægt er að miðla á vettvangi til að bæta lífskjör

Viðfangsefni eru grunnþekking/innsýn í nokkur hagnýt mál, svo sem:

• vatnsmál
• brunnar
• klósett- og rotþróagerð
• orkuframleiðslu
• ræktun matjurta og húsdýra til manneldis
• umhverfisvernd og trjárækt

Ferðin er í senn náms- og hópeflisferð þar sem nemendum gefst kostur á að kynnast betur í leik, starfi og hvíld. Það að búa þétt í skamman tíma er kjörið tækifæri til að styrkjast í tillitsemi og þjónustulund. Farið verður yfir hluta námsefnisins á helginni og verklega vikan kynnt. Gönguferð og kvöldvaka verður á laugardegi. Viðvera/þátttaka reiknast með í tímasókn nemenda.